कृष्णपक्षको तिर्खाले यसरी बुझाए प्यास - (दैनिक पोष्ट )

जीवनमा अनेक रुपहरु छन् । साहित्यका पनि अनेक विधाहरु छन् । जीवनका अनेक रंगहरु छन् । तर साहित्यमा पनि अलौकिक रंग हुन्छ । अलौकिक जात हुन्छ । त्यहि जात अर्थात विधा मध्य कथा विधालाई पक्रेर कथाकार कृष्णपक्ष पाठकहरुमाझ आएका छन् ।

शव्दाहार क्रियसन्सले तिर्खालाई बजारमा ल्याएर पाठकहरुको कथानक प्यास मेटाउने जमर्को गरेको छ । यो प्रकाशन गृहले बजारमा ल्याएको कथा कृति तिर्खा बजारमा आएपछि यो कृती उँचाई बढेको छ । ‘कृष्णपक्ष’ उपनाममा कृष्ण थापाले लेखेकोे कथा संग्रह ‘तिर्खा’ ले साँच्चै आधुनिक नेपाली कथाका पाठहरुको तिर्खा मेट्न कथाकार सफल भएको छ । मध्यम कलेवरको किताबमा बाइस थान छोटा मिठा कथा समेटेर काकाकुलहरुको प्यास मेट्न उनी हाजिर भएका छन् । इजरायलमा कार्यरत नेपाली युवाको अन्तष्करणले देखेको मध्यपूर्वी एसियाको जीवनपद्धतिको रूपमा किताबका पानाहरूमा अङ्कित गरेको छ । ‘तिर्खा’लाई डायोस्पोराको डकार सम्झिने छुट पनि छ पाठकलाई । तर, बुझ्नुपर्ने के छ भने यो इजरायलमा बस्ने नेपालीको आप्रवासी ह्याङओभर होइन ।

दैनिक पोष्टमा छापिएको समीक्षाको लागि यहाँ जानुहोस